پاکستان میں گزشتہ  24 گھنٹوں کےدوران کورونا کے مزید  4728کیسز اور 65 اموات رپورٹ ہوئی ہیں جس کے بعد کیسز کی مجموعی تعداد 1 لاکھ 3 ہزار 671ہوگئی ہے، جبکہ اس موذی وباء سے جاں بحق افراد کی کُل تعداد 2 ہزار67 ہو گئی ہے۔

 کورونا وائرس کے ملک میں 67 ہزار 12مریض اب بھی اسپتالوں، قرنطینہ مراکز اور گھروں میں آئسولیشن میں ہیں، جبکہ 34 ہزار 355مریض اس بیماری سے صحت یاب ہو چکے ہیں۔

اعدادوشمار کے مطابق اب تک پنجاب میں کورونا سے 715 اور سندھ میں 650 افراد انتقال کرچکے ہیں جبکہ خیبر پختونخوا میں 575  افراد،اور بلوچستان میں 54 افراد جاں بحق ہوچکے ہیں ۔

اس کےعلاوہ دارلحکومت اسلام آباد میں 52، گلگت بلتستان میں 13 اور آزاد کشمیر میں مہلک وائرس سے 8 افراد جان کی بازی  ہار چکے ہیں ۔

پنجاب میں کورونا کے مریضوں کی تعداد ایک بار پھر دوسرے صوبوں سے زیادہ 38 ہزار 903 ہو گئی ہے جبکہ اس سے ہلاکتیں بھی دوسرے صوبوں سے زیادہ یعنی 715 ہو گئی ہیں۔

سندھ میں اب تک کورونا وائرس کے 38ہزار 108 مریض سامنے آئے ہیں، جبکہ 650کورونا مریض جان کی بازی ہار چکے ہیں۔

خیبر پختونخواہ میں کورونا کے مریضوں کی تعداد 13 ہزار 85ہو چکی ہے جبکہ اموات 575 ہو گئیں۔

 بلوچستان میں کورونا وائرس کے 6 ہزار 516مریض اب تک رپورٹ ہوئے ہیں جبکہ 54 افراد اس مرض سے انتقال کرچکے ہیں۔

وفاقی دارالحکومت اسلام آباد میں 5 ہزار 329کورونا وائرس کے متاثرہ مریض ہیں جبکہ 52 افراد اس وباء سے جان کی بازی ہار چکے ہیں۔

گلگت بلتستان میں 932 کورونا وائرس کے مریض سامنے آئے ہیں جبکہ اس سے 13 افراد جاں بحق ہوئے ہیں۔

آزاد کشمیر میں کورونا کے اب تک 396مریض رپورٹ ہوئے ہیں جبکہ اس وائرس سے 8 مریض جاں بحق ہوچکے ہیں۔

 گزشتہ روز ملک بھر میں کورونا وائرس کے 22ہزار650 ٹیسٹ کئے گئے ہیں۔

 واضح رہے کہ ملک میں کورونا کا  پہلا کیس 26  فروری 2020 کو رپورٹ ہوا تھا جبکہ 18 مارچ کو اس سے پہلی موت  رپورٹ ہوئی تھی ۔