ولی خان بابرقتل کیس، ملزم کا30 جون تک جسمانی ریمانڈمنظور

ثمرا مظہر

16th Jun, 2020. 03:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ولی خان بابرقتل کیس، ملزم کا30 جون تک جسمانی ریمانڈمنظور

کراچی کی انسداد دہشت گردی کی عدالت میں سماعت کے دوران صحافی ولی خان بابر کے قتل کیس کے ملزم کامران عرف ذیشان کو 30 جون تک جسمانی ریمانڈ پر پولیس کے حوالے کر دیاگیا۔

تفصیلات کے مطابق کراچی کی انسدادِ دہشت گردی کی عدالت کے منتظم جج نے ولی خان بابر قتل کیس کی سماعت کی جس میں گزشتہ روز گرفتار کیے گئے ملزم کامران عرف ذیشان کو پیش کیا گیا۔

کمرہ عدالت میں سماعت کے دوران ملزم کو 30 جون تک جسمانی ریمانڈ پر پولیس کے حوالے کر دیاگیا۔

میڈیاسے بات کرتے ہوئے پولیس کے تفتیشی افسرنے بتایا کہ ملزم کامران عرف ذیشان ولی بابر قتل کیس میں سزا یافتہ ہے اور اس کا ریمانڈ دھماکا خیز مواد اور اسلحہ برآمدگی کے کیس میں لیا گیا ہے۔

گزشتہ روز پولیس اور وفاقی انٹیلی جنس ایجنسی نے مشترکہ کارروائی کرتے ہوئے صحافی ولی خان بابر کے قتل میں ملوث مرکزی ملزم کو گرفتار کرنے کا دعویٰ کیا تھا۔