ملک کورونا کی شکل میں ایک مشکل صورتحال سے گزر رہا ہے

شبین رضا

23rd Jun, 2020. 03:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک کورونا کی شکل میں ایک مشکل صورتحال سے گزر رہا ہے

وزیر صحت پنجاب ڈاکٹر یاسمین راشد کا کہنا ہے کہ ملک کورونا وائرس کی شکل میں ایک مشکل صورتحال سے گزر رہا ہے، ڈاکٹرز کو خدمت انسانیت کے باعث مسیحا کادرجہ دیا جاتا ہے۔

تفصیلات کے مطابق سروسز انسٹیٹیوٹ آف میڈیکل سائنسز میں کورونا مریضوں کی خدمت کرنے والے ڈاکٹرز، نرسز اور پیرا میڈیکل سٹاف میں تعریفی سناد تقسیم کرنے کی تقریب ہوئی۔

یاسمین راشد کا اس مو قع پرکہنا تھا کہ فرنٹ لائن پر فرائض سرانجام دینے والے ڈاکٹرز، نرسز اور پیرا میڈیکل سٹاف کو خراج تحسین پیش کرتے ہیں، ڈاکٹرز اپنی جانوں کی پرواہ نہ کرتے ہوئے کورونا کے مریضوں کی دن رات خدمت کر رہے ہیں۔

وزیر صحت پنجاب کا مزید کہنا تھا کہ وزیراعظم عمران خان کورونا وائرس کی صورتحال کا خود جائزہ لے رہے ہیں۔

پرنسپل سمز پروفیسر ڈاکٹر محمود ایاز نے صوبائی ڈاکٹر یاسمین راشد کا رہنمائی کرنے اور ڈاکٹرز کی حوصلہ افزائی پر شکریہ ادا کیا۔