بحیرہ عرب میں ہوا کا کم دباو ڈپریشن میں تبدیل، سمندری طوفان ’نثارگا‘ کا خدشہ

ثمرا مظہر

01st Jun, 2020. 01:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بحیرہ عرب میں ہوا کا کم دباو ڈپریشن میں تبدیل، سمندری طوفان ’نثارگا‘ کا خدشہ

محکمہ موسمیات نے کہا ہے کہ جنوب مشرقی بحیرہ عرب میں ہوا کا دباؤ کم ہونے کے باعث ڈپریشن میں تبدیل ہوگیا ہے۔

ڈائریکٹرمحکمہ موسمیات سردارسرفراز کے مطابق جنوب مشرقی بحیرہ عرب میں بننے والا ڈپریشن کراچی سے 1285کلومیٹر جبکہ ممبئی سے 580 کلو میٹر دور ہے۔

سردار سرفراز کا کہناہے کہ اگلے 24 سے 36 گھنٹوں میں ڈپریشن سمندری طوفان ’نثارگا‘ میں تبدیل ہوسکتا ہے، جس کا رخ ممبئی یا گجرات کی جانب رہے گا۔

ڈی جی میٹ نے بتایا کہ پاکستان کے ساحل کو سمندری طوفان سے کوئی خطرہ نہیں ہے، تاہم ماہی گیر گہرے سمندر میں جاتے ہوئے احتیاط کریں۔

محکمہ موسمیات کا کہناہے کہ کراچی میں تین دن مطلع جزوی ابر آلود اور موسم مرطوب رہے گا البتہ کراچی میں نچلی سطح کے بادلوں کے باعث بوندا باندی یا ہلکی بارش ہوسکتی ہے۔