وزیراعظم کے معاون خصوصی ڈاکٹر ظفر مرزا نے کہا ہے کہ برطانیہ میں کورونا کے علاج کیلئے ڈیکسا میتھازون سے نتائج مثبت آئے ہیں اور اس دوا کے استعمال سے کورونا وائرس سے اموات میں کمی واقع ہوگی۔
تفصیلات کے مطابق وزیراعظم کے معاون خصوصی ڈاکٹر ظفر مرزا نے سماجی رابطے کی ویب سائٹ پر ٹویٹ کرتے ہوئے کہا ڈیکسا میتھازون دوا کورونا وائرس کے خلاف پہلا علاج ہے اور اس سلسلے میں پاکستان میں ماہرین کی کمیٹی ڈیکسا میتھازون کے استعمال پر غور کرے گی۔
انہوں نے مزید کہا کہ عالمی ادارہ صحت نے مہلک وائرس کے علاج میں ڈیکسا میتھا زون کو اہم پیشرفت قرار دیتے ہوئے کورونا مریضوں کیلئے خوش آئند کہا ہے۔
واضح رہےکہ ملک میں جان لیوا وائرس کے متاثرین تیزی سے بڑھنے لگے، کورونا کے تصدیق شدہ کیسز کی تعداد ملک بھر میں ایک لاکھ 54 ہزار 760 تک پہنچ گئی جبکہ ایک دن میں 136 افراد جاں بحق ہوگئے جس کے بعد اموات کی تعداد 2 ہزار 975 ہوگئی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
