قومی احتساب بیورو (نیب) نے بڑے پیمانے پر انکوائریوں اور تحقیقات کی منظوری دے دی۔

تفصیلات کے مطابق چیئرمین نیب جسٹس ر جاوید اقبال کی زیرصدارت نیب ایگزیکٹو بورڈ کااجلاس منعقد ہوا جس میں ڈپٹی چیئرمین نیب ،پراسیکیورٹرجنرل نیب،ڈی جی آپریشن سمیت دیگراعلیٰ حکام نے شرکت کی۔

 نیب کے ایگزیکٹو بورڈ نے ارکان اسمبلی اور جج صاحبان کیخلاف انکوائریوں اور تحقیقات کی منظوری دے دی ہے جس کا اعلایہ جاری کردیا گیا۔

نیب کی جانب سے جاری اعلامیے کے مطابق سابق سیشن جج خضر حیات اور دیگر کے خلاف انوسٹیگیشن کی منطوری دی گئی ہے جبکہ سابق ڈپٹی اسپیکر پنجاب اسمبلی شیر علی گورچانی کےخلاف بھی  تحقیقات کا آغاز کیا جائے گا۔

نیب اعلامیے کے مطابق سابق رکن پنجاب اسمبلی احمد خان بلوچ اور دیگر کے خلاف بھی تحقیقات کی منظوری دی گئی جبکہ سابق ایم ڈی پیپکو طاہر بشارت چیمہ ،فیڈرل لینڈ کمیشن ہارون آباد،سابق ای ڈی او ہیلتھ خانیوال اور دیگر کیخلاف انکوائری کی جائے گی۔

اعلامیے کے مطابق رکن قومی اسمبلی احسن الحق باجوہ،پبلک ہیلتھ انجیئرنگ کے خلاف انکوائری متعلقہ ڈیپارٹمنٹ کو بھجوانے کی منظوری بھی دی گئی ہے۔

چیئرمین نیب نے اجلا س سے خطاب کرتے ہوئے کہا کہ ملک سے بدعنوانی اور کراپشن کا خاتمہ نیب کی اولین ترجیج ہے،نیب کرپشن فری پاکستان کے لیے سنجیدہ  کوششیں کر رہا ہے۔

چئیرمین نیب کا کہناتھا کہ کسی دباو ،دھمکی اور پروپیگیڈہ کی پرواہ کیے بغیر قانون کے مطابق قوم کی لوٹی گئی رقم برآمد کرنے کے لیے ہر ممکن اقدامات کیے جارہے ہیں،مفررو اور اشہتاری ملزمان کی گرفتاری کےلیے قانون کے مطابق اقدمات اٹھائے جائیں گے۔