ملک بھر میں ٹڈی دل کے خلاف آپریشن کی تفصیلات جاری

ثمرا مظہر

15th Jun, 2020. 01:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک بھر میں ٹڈی دل کے خلاف آپریشن کی تفصیلات جاری

نیشنل ڈیزاسٹر مینجمنٹ اتھارٹی (این ڈی ایم اے) نے ملک بھر میں ٹڈی دل کے خلاف آپریشن کی تفصیلات جاری کرتے ہوئے کہا ہے کہ اس وقت ملک کے 40 اضلاع میں ٹڈی دل موجود ہے۔

ترجمان این ڈی ایم اے کے مطابق بلوچستان کے 29، خیبر پختونخوا کے 8، اور سندھ کے 3 اضلاع ٹڈی دل سے متاثر ہو چکے ہیں۔

ترجمان کے مطابق بلوچستان کے ضلع آواران، نوشکی، چاغی، گوادر، اتھل، پنجگور، خاران اور کوئٹہ کے علاوہ دیگر اضلاع بھی ٹڈی دل سے متاثر ہیں جبکہ خیبرپختونخوا میں ڈی آئی خان، ٹانک، شمالی و جنوبی وزیرستان، لکی مروت، کرم، اورکزئی اور خیبر کے اضلاع ٹڈی دل سےمتاثر ہوئے ہیں۔

ترجمان این ڈی ایم اے کے مطابق گزشتہ روز پنجاب کے کسی ضلع سے ٹڈی دل رپورٹ نہیں ہواجبکہ متاثرہ علاقوں کا سروے اور کنٹرول آپریشن جاری ہے۔

این ڈی ایم اےترجمان نے کہا کہ 1288 مشترکہ ٹیموں نے لوکسٹ کنڑول آپریشن میں حصہ لیا جبکہ گزشتہ 24 گھنٹوں میں 3 لاکھ 12 ہزار ہیکٹر رقبے کا سروے ہوا۔

نیشنل ڈیزاسٹر مینجمنٹ اتھارٹی کے ترجمان کے مطابق بلوچستان میں 5 ہزار 300 ہیکٹر رقبہ پر اسپرے کیا گیا، خیبر پختونخوا میں 1000 ہیکٹر رقبہ کی ٹریٹمنٹ ہوئی جب کہ سندھ میں گزشتہ روز 500 ہیکٹر رقبے کی ٹریٹمنٹ کی گئی۔

ترجمان نیشنل ڈیزاسٹر مینجمنٹ اتھارٹی کے مطابق اب تک پورے ملک میں 6 لاکھ 23 ہزار ہیکٹر رقبے پر اسپرے کیا جا چکا ہے۔