وفاقی حکومت نے کراچی میں لوڈشیڈنگ کی بدترین صورتحال کو دیکھتے ہوئے اس پر قابو پانے کیلئے کے الیکٹرک کو مزید 500 میگاواٹ بجلی دینے کی رضامندی ظاہر کردی۔
ترجمان وزارت توانائی کا کہنا ہےکہ حکومت کے الیکٹرک کو مزید 500 میگاواٹ بجلی فراہم کیلئے تیار ہے لیکن اس کا سسٹم مزید بجلی لینے کی صلاحیت نہیں رکھتا۔
ترجمان کے مطابق وفاقی کابینہ کراچی کے عوام کی بھلائی کیلئے اور لوڈشیڈنگ پر قابو پانے کیلئے کے الیکٹرک کو 1100 میگاواٹ اضافی بجلی کی منظوری دے چکی ہے تاہم صورتحال سے ظاہر ہے کہ کمپنی نے سسٹم کی بہتری کیلئے کوئی مناسب اقدامات اور سرمایہ کاری نہیں کی۔
ترجمان کا کہنا تھا کہ پیٹرولیم ڈویژن نے ملکی فرنس آئل میں سے 80 فیصد کے الیکٹرک کو فراہم کرنے کے انتظامات کیے ہیں جب کہ وفاقی حکومت نے 30 ہزار ٹن فرنس آئل فوری طور پر کے الیکٹرک کو فراہم کرنے کے انتظامات بھی کیے ہیں۔
ترجمان کا کہناہے کہ وفاقی حکومت کراچی کے عوام کو بلاتعطل بجلی کی فراہمی کیلئے ہرممکن مدد کیلئے تیار ہے لیکن کے الیکٹرک کا سسٹم اپ گریڈیشن کے بعد 2022-23 تک اضافی بجلی اٹھانے کے قابل ہوگا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
