چلاس میں سی ٹی ڈی کے چھاپے کے دوران ملزمان اور اہلکاروں کے درمیان فائرنگ کے تبادلے میں 5 اہلکار شہید ہوگئے ۔
تفصیلات کے مطابق چلاس کے رونئی محلہ میں ملزمان اور سی ٹی ڈی گلگت کے درمیان فائرنگ کے تبادلے میں 5 اہلکارشہید اور 5 زخمی ہوگئے جبکہ فائرنگ سے 2 افراد بھی مارے گئے ہیں۔
پولیس کے مطابق سی ٹی ڈی گلگت نے ملزمان کی گرفتاری کے لئے رات گئے چلاس کے رونئی محلہ میں ایک مکان پر چھاپہ مارا جہاں فائرنگ سے سی ٹی ڈی کا ایک سب انسپکٹر سہراب اور 4 جوان شہید اور 5 زخمی ہوگئے جبکہ فائرنگ سے 2 افراد بھی مارے گئے۔
ایس پی دیامر شیر خان کا کہنا ہے کہ سی ٹی ڈی پورے گلگت بلتستان میں کہیں بھی چھاپہ مار سکتی ہے، واقعے کے بارے میں جو بھی حقائق ہوں گے سامنے لائے جائیں گے۔
پولیس کا کہنا ہے کہ مارے گئے دونوں افراد کے بارے میں تحقیقات کی جارہی ہیں۔
Advertisement
دوسری جانب نگراں وزیراعلیٰ گلگت بلتستان میر افضل خان کاکہنا ہے کہ چلاس میں پولیس پارٹی پر حملہ افسوس ناک ہے، آئی جی سے واقعے کی رپورٹ طلب کرلی گئی ہے۔
میر افضل خان نے بتایا کہ دہشت گردی کے علاوہ ملزمان اسلحے کا کاروباربھی کرتے تھے، کارروائی پر پولیس کی جرات کو سلام پیش کرتے ہیں، حکومت شہداء کے لواحقین سے دلی ہمدردی کا اظہار کرتی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
