وفاقی وزیراسدعمر نے عوام سے اپیل کرتے ہوئے کہا کہ عید پرایس او پیز پر عملدر آمد کریں، قربانی ایسے کریں کہ وبا میں تیزی نہ آئے۔
پشاور میں این سی اوسی اجلاس کے بعد نیوزبریفنگ کے دوران اسد عمر نے کہا کہ صوبے میں وبا کے پھیلاؤ میں واضح کمی آرہی ہے، کورونا چیلنج سے نمٹنے کیلئے صوبائی حکومت نے بھرپور کردار ادا کیا۔
انہوں نے کہا کہ عیدالاضحیٰ ہرلحاظ سے ایک بڑادن ہے اور کورونا کی وبا ابھی تک موجود ہے، اس لیے قربانی ایسے کریں کہ وبا میں تیزی نہ آئے۔
وفاقی وزیر کا مزید کہنا تھا کہ عوام سے اپیل ہےعید پرایس او پیز پر عملدر آمد کریں، مویشی منڈیوں میں سماجی فاصلہ برقرار رکھتے ہوئے ماسک کا استعمال کریں اور عید کو سادگی سے منائیں،عید پر عوام تفریحی مقامات پر جانے سے گریز کریں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
