کوئٹہ میں بلوچستان فوڈ اتھارٹی نے کارروائی کرتے ہوئے مصنوعی انڈے فروخت کرنے والی 7 دکانیں سیل کردیں جبکہ انڈوں کے نمونے ٹیسٹ کے لئے لیبارٹری بھجوادیئے۔
تفصیلات کے مطابق مصنوعی انڈوں کی شکایت پر بلوچستان فوڈ اتھارٹی نے کارروائی کرتے ہوئے مختلف علاقوں مسجد روڈ، کواری روڈ، طوغی روڈ اور علمدار روڈ پر انڈے فروخت کرنے والی دکانوں پر مصنوعی انڈے فروخت کرنے کے شبہ میں 7 دکانوں کو سیل کرکے 2 افراد کو حراست میں لے لیا۔
شہر میں انڈوں کے کاروبار سے منسلک افراد کا کہنا ہے کہ ابھی تک انہوں نے اپنے کاروبار میں مصنوعی انڈے نہیں دیکھے، جبکہ شہریوں کا کہنا ہے کہ مصنوعی انڈے فروخت کرنے والوں کے خلاف کارروائی کی جانی چاہیے۔
دوسری جانب صوبائی حکام نے کہا ہے کہ معاملے کا جائزہ لیا جارہا ہے، اگر واقعی مصنوعی انڈوں کی فروخت ثابت ہوئی تو ملوث افراد کے خلاف قانونی کارروائی کی جائے گی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
