کراچی، کار شو روم میں ڈکیتی کی بڑی واردات سامنے آگئی

ثمرا مظہر

07th Jul, 2020. 10:36 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی، کار شو روم میں ڈکیتی کی بڑی واردات سامنے آگئی

سال 2021میں سب سے زیادہ فروخت ہونے والی گاڑیاں

کراچی کے علاقے جمشید روڈ پر مسلح ملزمان کار شوروم میں ڈکیتی کی بڑی واردات کرنے کے بعد بھاری رقم لوٹ کر فرار ہوگئے ہیں۔

پولیس کے مطابق گزشتہ رات سوا 9بجے گاڑیوں کے شو روم میں ملزمان نے ڈکیتی کی واردات کی۔

پولیس نے کار شوروم کے مالک کی جانب سے ایف آئی آر درج کرنے کے بعد ملزمان کی تلاش شروع کردی ہے۔

ذرائع کے مطابق 3 ملزمان شور روم میں ڈکیتی کی واردات کرنے کے لیے گاڑی پر سوار ہوکر آئے تھے۔

ایف آئی آر کے مطابق تین مسلح ملزمان کار شوروم میں اندر داخل ہوئے جب کہ ان کا ایک ساتھی بیک اپ کے طور پر باہر گاڑی میں موجود تھا۔

کار شوروم کے مالک عبدا لرحیم کے مطابق مسلح ملزمان نے شوروم سے دو کروڑ 38 لاکھ روپے کی نقدی لوٹی ہے۔

مسلح ملزمان فرار ہوتے وقت اپنے ہمراہ شوروم میں موجود لیپ ٹاپ سمیت دیگر قیمتی سامان بھی لے گئے ہیں۔

واردات کے بعد پولیس نے جائے وقوعہ کا دورہ کیا اور تفتیش کا آغاز کردیا ہے۔