انسداد پولیو کی مہم میں کوئی غفلت برداشت نہیں کروں گا ، عثمان بزدار

ثمرا مظہر

20th Jul, 2020. 04:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انسداد پولیو کی مہم میں کوئی غفلت برداشت نہیں کروں گا ، عثمان بزدار

وزیراعلیٰ پنجاب سردار عثمان بزدار نے کہا ہے کہ انسداد پولیو کی مہم میں کوئی غفلت برداشت نہیں کروں گا ،مجھے پنجاب پولیو سے پاک چاہیے۔

عثمان بزدار کی زیرصدارت انسداد پولیو کے لیے خصوصی ٹاسک فورس کا اجلاس منعقد ہوا، اجلاس میں انسداد پولیو کے لیے مربوط انداز میں مؤثر اقدامات کرنے کا فیصلہ کیا گیا ۔

تفصیلات کے مطابق انسداد پولیو کے لیے خصوصی ٹاسک فورس کے اجلاس میں خطاب کرتے ہوئے وزیراعلیٰ پنجاب عثمان بزدار نے کہا کہ پنجاب کو پولیو فری بنانا ہمارا مشن ہے، کورونا کے پیش نظر انسداد پولیو مہم کی اہمیت بڑھ گئی ہے۔

وزیراعلیٰ نے کہا کہ انسداد پولیو اجلاس نہ کرنے پر بعض اضلاع کے ڈپٹی کمشنرز کو وارننگ دی ہے، جس ضلع میں پولیو کیس سامنے آیا اس ضلع کے ہیلتھ آفیسر کے خلاف ایکشن ہوگا۔

عثمان بزدار کا ڈپٹی کمشنرز کو اپنے اضلاع میں انسداد پولیو مہم کی مانیٹرنگ کرنے کی ہدایت کرتے ہوئے کہنا تھا کہ مجھے پنجاب پولیو سے پاک چاہیے۔

انہوں نے کہا ہے کہ پولیو کیس سامنے آنے پر کسی سے رعایت نہیں برتی جائے گی، ڈپٹی کمشنرسے بھی جواب طلب کیا جائے۔