پاکستان میوزک انڈسٹری کی معروف گلوکارہ حدیقہ کیانی نے مرحوم جنید جمشید کو یاد کرتے ہوئے خصوصی پیغام جاری کیا ہے۔
سماجی رابطے کی ویب سائٹ ٹویٹر پر گلوکارہ نے ماضی کے ایک ٹی وی اشتہار کی ویڈیو شیئر کی جس میں معروف نعت خواں جنید جمشید کے ساتھ اداکارہ ماہ نور بلوچ موجود ہیں جبکہ اس ٹی وی اشتہار کے گلوکاروں میں حدیقہ کیانی اور جنید جمشید تھے۔
ماضی کے ٹی وی اشتہار کی ویڈیو شیئر کرتے ہوئےحدیقہ کیانی نے لکھا کہ ’آج کی مصروف اور افراتفری والی دُنیا میں ماضی کے سادہ دنوں کو یاد کرنا بہت اچھا لگتا ہے‘۔
گلوکارہ نے مرحوم جنید جمشید کو یاد کرتے ہوئے لکھا کہ ’جے جے یہ دُنیا آپ کو بہت زیادہ یاد کرتی ہے۔‘
Advertisement
حدیقہ کیانی نے اپنے خصوصی پیغام میں مرحوم نعت خواں جنید جمشید کے لیے دُعا بھی کی۔
گلوکارہ کے اِس ٹوئٹ کو صارفین کی جانب سے خوب پسند کیا جارہا ہے اور صارفین کی جانب سے جنید جمشید کے لیے دُعائیہ پیغامات کا بھی سلسلہ جاری ہے۔
خیال رہے کہ جنید جمشید دسمبر 2016 کو طیارہ حادثے کا شکار ہوکر اس دنیا سے رخصت ہوگئے تھے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
