لوڈ شیڈنگ،جماعت اسلامی آج کے-الیکٹرک کیخلاف احتجاج کرے گی

ثمرا مظہر

10th Jul, 2020. 01:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لوڈ شیڈنگ،جماعت اسلامی آج کے-الیکٹرک کیخلاف احتجاج کرے گی

کراچی میں طویل اور غیر اعلانیہ لوڈ شیڈنگ، اوور بلنگ اور ٹیرف میں کے۔الیکٹرک کی جانب سے اضافے پر جماعت اسلامی آج بعد نماز جمعہ مساجد کے باہر اور شہر کے سو سے زائد مقامات پر مظاہرے کرے گی۔

تفصیلات کے مطابق کے الیکٹرک کیخلاف 11جولائی شام 4 بجے شارع فیصل نرسری پر جماعت اسلامی کی جانب سے دھرنا بھی دیا جائے گا۔

گزشتہ روز امیر جماعت اسلامی کراچی حافظ نعیم الرحمان نے پریس کانفرنس کرتے ہوئے کہا تھا کہ حکومتوں میں شامل پارٹیاں کے-الیکٹرک کی سرپرستی کررہی ہیں۔

انہوں نے کہا کہ کے-الیکٹرک کے سی ای او مونس علوی 56 لاکھ تنخواہ لے کر شہر میں لوڈشیڈنگ نہ ہونے کا دعویٰ کر رہے ہیں، ای سی سی کا کے-الیکٹرک کی بدترین کارکردگی کے باوجود مرضی کے ٹیرف منظور کرنا انتہائی افسوسناک ہے۔

حافظ نعیم الرحمان نے کہا تھا کہ حکمران چاہتے ہیں کہ قومی خزانے سے کے-الیکٹرک کے ذمے واجب الاداء ادائیگیوں کو پورا کیا جائے اور ابراج گروپ کو فرار ہونے کا محفوظ راستہ فراہم کیا جائے۔

امیر جماعت اسلامی کراچی نےمطالبہ کرتے ہوئے کہا کہ کے-الیکٹرک کا لائسنس منسوخ اور فوری طور پر قومی تحویل میں لیا جائے۔