وزیر خارجہ نے کہا ہے کہ ہم کشمیریوں کی آزادی کی جدوجہد کی حمایت کرتے ہیں۔

تفصیلات کے مطابق وزیر خارجہ شاہ محمود قریشی نے آج کے دن کی منا سبت سے سماجی را بطے کی ویب سائٹ ٹوئٹر پر ٹوئٹ کی ، جس میں انھوں نے لکھا کہ آج کے دن کشمیری نمائندوں نے پاکستان سے الحاق کی تاریخی قرار داد منظور کی، ہم کشمیریوں کی آزادی کی جدوجہد کی حمایت کرتے ہیں۔

On this day in 1947, true representatives of J&K adopted a historic resolution for accession to Pakistan. Despite decades of Indian occupation, resolve of Kashmiris & immutable bonds to🇵🇰 stand strong. We reaffirm unwavering support to Kashmiris in their just struggle for freedom

— Shah Mahmood Qureshi (@SMQureshiPTI) July 19, 2020

وزیر خارجہ نے مزید کہا کہ کشمیریوں کا عزم اور پاکستان کے ساتھ ان کا تعلق مضبوط ہے۔

واضح رہے کہ دنیا بھر میں کشمیری آج یوم الحاق پاکستان منا رہے ہیں،اس دن کو منانے کا مقصد اس عہد کی تجدید کرنا ہے کہ کشمیر پاکستان کا حصہ ہے اور اسکے پاکستان سے الحاق تک جدوجہد جاری رہے گی۔

انیس جولائی 1947 کو کشمیریوں نے نظریاتی طور پر پاکستان سے رشتہ جوڑ کر الحاق کا فیصلہ کیا، آل جموں وکشمیر مسلم کانفرنس کے اجلاس کے دوران کشمیر کے پاکستان کے ساتھ الحاق کی قرارداد متفقہ طورپر منظور کی گئی۔

کشمیر ی اس دن اس عہد کی تجدید کرتے ہیں کہ پاکستان کے ساتھ الحاق تک تحریک جاری رکھی جائے گی۔

جذبہ آزادی سے سرشار کشمیریوں کا آج بھی یہی نعرہ ہے کہ کشمیر بنے گا پاکستان