وزیراعلی سندھ نے مویشی منڈیاں کھولنے کی اجازت دے دی

شبین رضا

15th Jul, 2020. 03:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعلی سندھ نے مویشی منڈیاں کھولنے کی اجازت دے دی

وزیراعلیٰ سندھ نے کورونا وائرس ایس او پیز کے تحت مویشی منڈیاں کھولنے کی اجازت دے دی ہے۔

ترجمان وزیراعلیٰ سندھ کے مطابق سید مرادعلی شاہ کی زیرصدارت اہم ترین اجلاس منعقد ہوا، اس دوران وزیراعلیٰ سندھ نے ایس او پی کے تحت مویشی منڈیاں کھولنے کی اجازت دیتے ہوئے کہا کہ عوام بلاوجہ مویشی منڈیوں میں جانے سے گریز کریں۔

وزیراعلیٰ سندھ کی جانب سے ہدایت کی گئی ہے کہ گلی کوچوں میں جانوروں کی منڈیوں کی روک تھام کی جائے اور مویشی منڈیوں میں موبائل ٹیم سے کورونا وائرس کے ٹیسٹ بھی کیے جائیں۔

مویشی منڈیوں میں بچوں کے جانے پر پابندی ہوگی۔

سید مراد علی شاہ نے اجلاس کے دوران عوام سے اپیل کی ہے کہ جانوروں کی قربانی کے لیے مخصوص جگہ بنائی جائیں، اگر گلی گلی میں جانور ذبح کیے جائیں گے تو بیماریاں پھیلیں گی۔

ترجمان وزیراعلیٰ سندھ کے مطابق مویشی منڈی کے لیے ایس او پیز حکومت جاری کرے گی، منڈی منتظمین کو پابند کیا جائے گا کہ ایس او پیز پر عمل کرائیں۔

ترجمان وزیراعلیٰ سندھ کے مطابق اجلاس کے دوران قربانی کے لیے یونین کونسل سطح پر مخصوص جگہ بنانے کے فیصلے سمیت کورونا کے ہاٹ اسپاٹ علاقوں میں ٹیسٹ زیادہ کرنےکافیصلہ بھی کیا گیا ہے ۔