ترک صدر رجب طیب اردوان نے اعلان کیا ہے کہ تاریخی عالمی ثقافتی ورثہ آیا صوفیہ میں 24 جولائی کو پہلی نمازادا کی جائے گی۔

ترک میڈیا کے مطابق صدر طیب اردوان نے نے آیا صوفیہ کو مسجد میں تبدیل کرنے  کیلئے اپنا خود مختار حق استعمال کیا،اردوان نے مغرب کو خبردار کیا کہ آیا صوفیہ کے اقدام پر تنقید ہماری آزادی پر حملہ تصور ہوگی۔

قبل ازیں امریکا، فرانس سمیت اقوام متحدہ نے ترکی سے اپیل کرتے ہوئے کہا تھا کہ وہ اس کی حیثیت تبدیل نہ کرے۔

غیر ملکی میڈیا کا کہناہے کہ عدالتی فیصلے کے بعد جیسے ہی طیب اردوان نے صدارتی حکم نامے پر دستخط کیے تو ترک قوم کی بڑی تعداد  نے دیوانہ وارآیا صوفیہ کے باہر اکھٹی ہوگئی اور ترک صدر کے حق میں نعرے بازی کی۔

عالمی خبررساں ایجنسی کے مطابق آیا صوفیہ کے باہر ہزاروں کی تعداد میں موجود مرد و خواتین نے نماز کی ادائیگی بھی کی۔

آیا صوفیہ کے باہر باجمات نماز کی ادائیگی کے بعد ترک شہریوں نے ملکی اور غیر ملکی میڈیا سے گفتگوکرتے ہوئے کہا کہ پہلی نمازکی ادائیگی کے بعد فخرمحسوس کررہے ہیں جبکہ ایک شہری کا کہنا تھا کہ یہ کام بہت پہلے ہو جاناچاہیے تھا۔

ترک میڈیا سے شہری نے اپنے جذبات بیان کرتے ہوئے کہا کہ آیا صوفیہ کے سامنے نماز کی ادائیگی ایک حیرت انگیز احساس ہے۔ اس کا کہنا تھا کہ ایسا محسوس ہوا کہ جیسے استنبول دوبارہ فتح ہوا ہے۔