کے الیکٹرک نے گورنر سندھ عمران اسماعیل کو خط لکھا ہے جس میں ادارے کا کہنا ہے کہ گورنر سندھ اور متعلقہ اسٹیک ہولڈرز کے ساتھ اجلاس کے لیے تیار ہیں۔
خط کے متن کے مطابق پچھلے سالوں کی سرمایہ کاری، آئندہ کے منصوبوں پر بات کرنے کیلئے تیار ہیں۔ 900 میگاواٹ کے پاور پلانٹ پر گزشتہ سال سے کام جاری ہے، پاور پلانٹ کا پہلا یونٹ 2021 میں کام شروع کردیگا۔
کےالیکٹرک کے خط میں مزید کہا گیا ہے کہ اجلاس میں شہر کے مسائل، کنڈے، غیر قانونی اسٹریٹ لائٹس، کیبلز کے نقصانات پر بات ہوگی جبکہ کےالیکٹرک گورنر سندھ کو بارشوں سے متعلق اپنی تیاریوں سے بھی آگاہ کرے گا۔
دوسری جانب کراچی میں مختلف علاقوں میں اعلانیہ اور غیر اعلانیہ لوڈشیڈنگ کا سلسلہ جاری ہے جس سے شہریوں کو اذیت کا سامنا ہے۔ ساتھ ہی گھروں میں آن لائن کلاسز کے ذریعے اپنی تعلیم جاری رکھنے والے طلباء کو بھی شدید مشکلات ہورہی ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
