کراچی کے علاقے منظور کالونی میں گزشتہ روز ٹارگٹ کلنگ کا نشانہ بننے والے پولیس کانسٹیبل نعمان کا دہشت گردوں کے ہاتھوں قتل کا مقدمہ سی ٹی ڈی تھانے میں درج کرلیا گیا۔
تفصیلات کے مطابق مقدمہ مقتول کے بھائی کانسٹیبل عاشر کی مدعیت میں درج کیا گیا، ایف آئی آر میں قتل، اسلحہ چھیننے اور انسدادِ دہشت گردی کی دفعات شامل کی گئی ہیں۔
کیس کے مدعی کانسٹیبل عاشر کے مطابق اس کے بھائی کی پوسٹنگ مددگار 15 ایس آر پی بیس قیوم آباد میں تھی، جبکہ اُس کی ڈیوٹی کلفٹن تھانے میں تھی، نعمان صبح 8 بجے تک ڈیوٹی ختم کر کے گھر آتا تھا، گزشتہ روز نعمان ساڑھے 8 بجے بھی گھر پر نہیں آیا تو اس کے نمبر پر فون کیا۔
عاشر نے بتایا کہ بھائی کا فون کسی شخص نے اٹھایا اور کہا کہ تمہارے بھائی کو گولیاں لگی ہیں جلدی سے جناح اسپتال آ جاؤ، حملہ آور بھائی کا لائسنس یافتہ پستول بھی ساتھ لے گئے۔
واضح رہے کہ 26 سالہ پولیس کانسٹیبل نعمان کی تعیناتی مددگار 15 ساؤتھ بیس پر تھی جو جمعے کی صبح ڈیوٹی سے واپس گھر جاتے ہوئے تھانہ بلوچ کالونی کی حدود میں عوامی کالونی میں دہشت گردی کا نشانہ بنا۔
Advertisement
جناح اسپتال کے اسسٹنٹ پولیس سرجن کے مطابق مقتول کانسٹیبل نعمان کو 30 بور پستول کی 3 گولیاں ماری گئیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
