ناصر شاہ کا وسیم اکرم کے بیان پر ردعمل

ثمرا مظہر

27th Jul, 2020. 09:31 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ناصر شاہ کا وسیم اکرم کے بیان پر ردعمل

صوبائی وزیر ناصر شاہ کاکہنا ہے کہ وسیم اکرم کے غیر ذمہ دارانہ بیان نے عوام کو مایوس کیا ہے۔

تفصیلات کے مطابق وسیم اکرم کے سوشل میڈیا پر دیے گئے بیان پر ردعمل دیتے ہوئے صوبائی وزیر ناصر شاہ نے کہا کہ میں اپنے پڑوسی وسیم اکرم کو دعوت دیتا ہوں میرے ساتھ شہر کا دورہ کریں،شہر کی سڑکوں کا جائزہ لیں اور دیکھیں کس طرح پانی کا نکاس کیا گیا ہے۔

ناصر شاہ نے کہا کہ وسیم اکرم، اگر آپ مخلص ہیں تو شہر کا دورہ ضرور کریں گے ، اگر آپ نے سنی سنائی باتوں پر بیان دیا ہے تو آپ سے زیادہ غیر ذمہ دار کوئی نہیں ہے۔

واضح رہے کہ قومی کرکٹ ٹیم کے سابق کپتان وسیم اکرم بھی گزشتہ روز کی بارش پر اپنے ایک بیان میں شہر کی حالت پر غمزدہ نظر آئے اور کہا کہ شہر کو ایک بار پھر ڈوبا دیکھنے پر کوئی حیرت نہیں ہے۔

وسیم اکرم نے سوال کیا کہ کیا بارش میں ڈوبے شہر کی یہ حالت ہمیں نیند سے جگانے کی گھنٹی ہے؟ کراچی میں نکاسی آب ایک حل طلب مسئلہ حل ہے۔ ہمیں اپنے خوبصورت شہر کو دوبارہ ٹھیک کرنا ہوگا۔

خیال رہے کہ وسیم اکرم کے سوشل میڈیا پر کراچی میں نکاسی آپ کی تشویشناک صورتحال پر صوبائی وزیر کا ردعمل سامنے آیا۔