پیپلز پارٹی وسطی پنجاب کے صدر قمر زمان کائرہ کا کہنا ہے کہ احسان اللہ احسان کی بلاول بھٹو کو قتل کی دھمکی پر حکومت جوابدہ ہے، حکومت جواب دے کہ احسان اللہ احسان کو کس نے باہر جانے دیا، ہم دھمکیوں سے ڈرنے والے نہیں۔
قمر زمان کائرہ نے کہا کہ سنجیدگی سے جلد آل پارٹیز کانفرنس (اے پی سی) بلانا چاہتے ہیں، بلاول بھٹو نےاسپیکر قومی اسمبلی کے خلاف عدم اعتماد کی تحریک اے پی سی کے ایجنڈے پر لانے کی بات کی تھی لیکن شہباز شریف کی طبیعت آڑے آرہی تھی۔
انہوں نے مزید کہا کہ کھلاڑی پیچھے ہٹیں، مل کر ایوان کے اندر سے تبدیلی لانا چاہتے ہیں۔
قمر زمان کائرہ کا کہنا تھا کہ فاشزم کا اصول ہے کہ زندہ رہنے کے لیے پراپیگنڈہ کیا جائے، دراصل چینی، آٹا اور پیٹرول بحران کے مافیاز عمران خان کے دائیں بائیں کھڑے ہیں، جو ناکامی ہوتی ہے اسے اپنے خلاف سازش قرار دے کر خود کو بری الزمہ کرلیتے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
