کے الیکٹرک کے مقابلے میں دوسری کمپنی لائی جائے

شبین رضا

05th Jul, 2020. 03:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کے الیکٹرک کے مقابلے میں دوسری کمپنی لائی جائے

فردوس شمیم نقوی سمیت پی ٹی آئی رہنماوں نے کے الیکٹرک کی اجارہ داری ختم کرنے کا مطالبہ کرتے ہوئے کراچی میں روز دو گھنٹے دھرنا دینے کا اعلان کر دیا۔

تفصیلات کے مطابق پاکستان تحریکِ انصاف کے رہنما اور سندھ اسمبلی میں قائدِ حزبِ اختلاف فردوس شمیم نقوی نے پریس کانفرنس کے دوران کہا ہے کہ کراچی میں دبا کراووربلنگ کی جا رہی ہے، عوام لوڈشیڈنگ سے تنگ آچکے، کمپنی کا معاہدہ پبلک کیا جائے۔

فردوس شمیم نقوی نے کہا کہ کےالیکٹرک 600 میگا واٹ سے زیادہ نیشنل گرڈ سے لینے کی سکت نہیں رکھتا، کےالیکٹرک نے دبا کر اووربلنگ کی ہوئی ہے، اس کے معاملات درست نہیں، کراچی کے بجلی کے نظام کیلئے کوئی اورراہیں ڈھونڈنی ہونگی۔

انھوں نے کہا کہ کراچی میں کے الیکٹرک کے مقابلے میں دوسری کمپنی لائی جائے۔

پی ٹی آئی رہنما نے دھرنے کا اعلان کرتے ہوے کہا کہ پی ٹی آئی روزانہ 3 بجے سے 5 بجے کےالیکٹرک کے سامنے دھرنا دیا کرے گی۔

انہوں نے مطالبہ کیا کہ اووربلنگ کا سسٹم ختم کیا جائے اور کےالیکٹرک کامعاہدہ بھی پبلک کیا جائے۔