تعلیمی اداروں کو کھولنے یا بند رکھنے سے متعلق فیصلہ آج بین الصوبائی وزرائے تعلیم کانفرنس میں کیا جائے گا۔
تفصیلات کے مطابق وفاقی وزیر تعلیم شفقت محمود آن لائن اجلاس کی صدارت کریں گے، اجلاس میں صوبوں کی جانب سے تیار کردہ تجاویز اور ایس او پیز کا جائزہ لیا جائے گا۔
ذرائع کے مطابق پنجاب میں تعلیم کے دونوں شعبے تعلیمی ادارے فوری کھولنے کے حامی نہیں، وزیر اسکول ایجوکیشن مراد راس کہہ چکے ہیں کہ حالات بہتر ہوں تو 15 اگست کے بعد سکول مرحلہ وار کھولے جائیں۔
دوسری جانب وزیر ہائر ایجوکیشن نے اگست کے پہلے ہفتے کالجز کو مرحلہ وار کھولنے کی تجویز دی ہے دیگر صوبوں کی بھی تجاویز پر غور کے بعد حتمی فیصلہ آج کیا جائے گا۔
واضح رہے کہ وفاقی حکومت کی جانب سے عالمی وبا کورونا وائرس کے پھیلاؤ کو روکنے کےلئے ملک بھر کے تعلیمی اداروں کو 15 جولائی تک بند کیا گیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
