پنجاب، کھلا آٹا ایک بار پھر مہنگا ہوگیا

ثمرا مظہر

24th Jul, 2020. 11:42 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پنجاب، کھلا آٹا ایک بار پھر مہنگا ہوگیا

پنجاب میں کھلا آٹا ایک بار پھر مہنگا ہوگیا، فائن آٹے کی 86 کلو کی بوری میں 100روپے اضافہ کردیا گیا جبکہ آٹا چکی ایسوسی ایشن نے آج سے آٹے کی قیمت مزید 2 روپے بڑھانے کا اعلا ن کیاہے، نان روٹی ایسوسی ایشن نے بھی قیمتیں بڑھانے کا عندیہ دیدیا ہے۔

تفصیلات کے مطابق پنجاب میں کھلے آٹے کی قیمتوں میں اضافے کا مسئلہ ایک بار پھر شدت اختیار کرگیا۔ نان روٹی ایسوسی ایشن کا کہنا ہے کہ فلور ملیں 86 کلو فائن آٹے کی بوری 5700 کی بجائے 5800 روپے میں فروخت کررہی ہیں، اگر یہ قیمت کم نہ ہوئی تو نان کی قیمت 15روپے سے بھی بڑھ جائے گی۔

آٹا چکی ایسوسی ایشن نے گندم کی قیمت کو جواز بنا کر اس ہفتے پہلے تین روپے قیمت بڑھائی تھی۔ اب مزید دو روپے قیمت بڑھانے کا اعلان کیا ہے جس کے بعد ایک کلو آٹا 70 روپے فی کلو فروخت ہوگا۔

فلور ملز ایسوسی ایشن کے رہنما عاصم رضا کے مطابق اوپن مارکیٹ میں گندم 2300 روپے من مل رہی ہےجس کے باعث قیمتیں بڑھانی پڑ رہی ہیں۔