برطانیہ میں پالتو بلی میں کورونا کی تصدیق ہوئی ہے جو کہ ملک میں اس وبا کی لپیٹ میں آنے والا پہلا جانور ہے۔
برطانیہ کے وزیر ماحولیات کا کہنا ہے کہ “تمام دستیاب شواہد” کے مطابق بلی میں کورونا وائرس انسان سے منتقل ہوا ہے، انہوں نے کہا کہ بلی کے مالک جوڑے کا کورونا ٹیسٹ مثبت آیا تھا۔
چیف ویٹرینری افسر کرسٹائن مڈل مس کے مطابق بلی کو کورونا وائرس اس کے مالکان سے منتقل ہوا جب کہ بلی کے مالکان صحت یاب ہوچکے ہیں۔
ویٹرینری افسر نے بتایا کہ بلی میں کورونا کی تشخیص 22 جولائی کو ہوئی ہے اور اس میں وائرس کی معمولی علامات ہیں۔
انہوں نے مزید کہا کہ جانوروں میں کورونا کی معمولی علامات ہوتی ہیں جو چند دنوں میں ہی صحت یاب ہوجاتے ہیں جب کہ ہیلتھ آفیسر نے بھی بلی میں کورونا کی تشخیص کو خطرناک قرار نہیں دیا۔
Advertisement
خیال رہے کہ برطانیہ میں پہلی بار کسی جانور میں کورونا وائرس کی تصدیق ہوئی ہے جب کہ اس سے قبل یورپ، شمالی امریکا اور ایشیا میں بھی پالتو جانوروں میں کورونا کی تشخیص ہوچکی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
