مسلم لیگ ن پنجاب کے صدر رانا ثناءاللہ نے کہا ہےکہ ابھی مریم نواز جاتی امرا سے باہر نہیں نکلیں اور حکومت بوکھلا گئی ہے۔
تفصیلات کے مطابق ن لیگی رہنما رانا ثنا نے میڈیا سے بات چیت کرتے ہوئے کہاکہ کارکن میاں نواز شریف ،شہباز شریف سے پیار کرتے ہیں،کسی اوچھے ہتھکنڈوں سے نہیں گھبرائیں گے۔
انہوں نے بتایا کہ بڑی تعداد میں ن لیگی کارکنان نیب آفس پہنچ رہے ہیں،میری گاڑی کو پولیس نے نیب آفس سے پہلے روک لیا ہے، جبکہ دوسرے شہروں سے آنے والے کارکنوں کو بھی روکا جا رہا ہے۔
رانا ثناءاللہ نے کہا کہ کارکن مریم نواز کے لیے نیب دفترآ رہے ہیں۔
واضح رہے کہ نیب کی جانب سے مریم نواز کو رائے ونڈ میں خلافِ قانون اور خلافِ ضابطہ اراضی انتہائی سستے داموں خریدنے کے الزام میں انکوائری کے لیے آج طلب کر رکھا ہے۔
Advertisement
نیب ذرائع کے مطابق مریم نواز کے نام 1 ہزار 440 کنال زمین 2013ء میں منتقل ہوئی تھی۔
ذرائع کے مطابق نیب کا کہنا ہے کہ زمین کی منتقلی میں ایل ڈی اے کے قواعد و ضوابط کو پس پردہ رکھا گیا، شریف فیملی کی پراپرٹی کے ارد گرد تعمیرات کو روکنے کے لیے پراپرٹی کو گرین لینڈ قرار دیا گیا تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
