وزیراعلیٰ پنجاب کی نیب میں پیشی، 2 گھنٹےتک تحقیقات

ثمرا مظہر

12th Aug, 2020. 01:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعلیٰ پنجاب کی نیب میں پیشی، 2 گھنٹےتک تحقیقات

وزیراعلیٰ پنجاب عثمان بزدار شراب لائسنس کیس میں نیب کے سامنے پیش ہوگئے۔

تفصیلات کے مطابق وزیراعلیٰ پنجاب عثمان بزدار شراب لائسنس کے معاملے کی تحقیقات کے لیے نیب کے طلب کیے جانے پر بغیر پروٹوکول کے نیب دفتر پہنچے۔

وزیراعلیٰ ہاوس سے روانگی کے وقت عثمان بزدار کی گاڑی کے ہمراہ صرف ضروری گارڈز تھے اس کے لیے ان کا پروٹوکول ساتھ نہیں تھا۔

نیب دفتر میں 2 گھنٹے تک وزیراعلیٰ سے لائسنس کے معاملے پر پوچھ گچھ کی گئی اورعثمان بزدار نے حکام کے سامنے اپنا موقف پیش کیا۔

بعد ازاں وزیراعلیٰ میڈیا سے گفتگو کیے بغیر روانہ ہوگئے، واپس ایوان وزیراعلیٰ جاتے ہوئے بھی ان کے ہمراہ کوئی پروٹوکول نہیں تھا۔

ذرائع نے بتایا کہ وزیراعلیٰ نے وزراء، مشیران اور پارٹی رہنماؤں کو بھی نیب دفتر آنے سے روک دیا تھا اور سختی سے انہیں ہدایات کی تھیں کہ کارکنان نیب دفتر نہ آئیں۔