وائٹ ہاؤس کے باہر فائرنگ ، امریکی صدر کو پریس کانفرنس ادھوری چھوڑ کر جانا پڑا

شبین رضا

11th Aug, 2020. 11:16 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وائٹ ہاؤس کے باہر فائرنگ ، امریکی صدر کو پریس کانفرنس ادھوری چھوڑ کر جانا پڑا

امریکہ کے صدر ڈونلڈ ٹرمپ کی پریس کانفرنس کےدوران وائٹ ہاؤس کے باہر فائرنگ ہوئی جس کے باعث ٹرمپ کانفرنس چھوڑ کر چلے گئے۔

تفصیلات کے مطابق امریکی صدر کو وائٹ ہاؤس میں پریس بریفنگ کے دوران خفیہ سروس کے اہلکار باہر لے گئے۔

صدر ٹرمپ نے واپس آکر بتایا کہ باہر ایک شخص کو گولی ماری گئی ہے۔

انہوں نے کہا کہ وہ مشتبہ شخص کے مقصد کو نہیں جانتے۔

ڈونلڈ ٹرمپ کا کہنا تھا کہ واقعہ وائٹ ہاؤس کے باہر ہوا اور اس پر احسن انداز میں قابو پایا جا چکا ہے۔

انہوں نے خفیہ اہلکاروں کی پیشہ وارانہ صلاحیتوں کو بھی سراہا۔

واقعہ کے بعد وائٹ ہاؤس کو لاک ڈاؤن کر دیا گیا۔

واقعے کے بعد سکیورٹی فورسز کی بڑی تعداد نے وائٹ ہاؤس کو گھیرے میں لے لیا۔

سیکیورٹی اہلکار کی فائرنگ سے زخمی مشتبہ شخص کو گرفتار کر کے ہسپتال منتقل کر دیا گیا۔

امریکی انٹیلی جنس نے تصدیق کی ہے کہ زخمی شخص مسلح تھا، حکام معاملے کی تحقیقات کر رہے ہیں۔

ٹرمپ کا مزید کہنا تھا کہ باہرفائرنگ کی وجہ سےمجھےجاناپڑالیکن اب حالات کنٹرول میں ہیں، خفیہ اداروں کا شکریہ اداکرتاہوں اور ہم دیکھیں گےکہ آگے کیا کرنا ہے۔