ویتنام میں کورونا وائرس سے پہلی 3 اموات

ثمرا مظہر

02nd Aug, 2020. 10:01 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ویتنام میں کورونا وائرس سے پہلی 3 اموات

ویتنام میں کورونا وائرس کے باعث پہلی 3 اموات سامنے آگئیں، ویتنام میں اس سےقبل مہلک وائرس کی وجہ سے ایک بھی موت واقع نہیں ہوئی تھی۔

ویتنام کے صحت کے شعبے کو کورونا کی وبا سے اموات روکنے کے حوالے سے اپنی کارکردگی پر فخر تھا۔

خبر رساں ایجنسی کے مطابق 70 سالہ ایک شخص جس کا تعلق مرکزی شہر ہوئی این سے تھا، کورونا کے باعث ہلاک ہونے والا پہلا شخص تھا۔

دوسری ہلاکت ایک 61 برس کے شخص ہوئی، مذکورہ دونوں ہلاکتیں 31جولائی کو ہوئیں جبکہ 68 سالہ خاتون گزشتہ روز چل بسیں۔

ویتنامی میڈیا کا کہنا ہے کہ مرنے والوں میں سے دو مریض پہلے سے دوسری بیماریوں میں بھی مبتلا تھے۔

ویتنام میں گزشتہ 3 ماہ میں کورونا وائرس کے مقامی پھیلاؤ کا ایک بھی کیس سامنے نہیں آیا تھا تاہم سیاحوں میں مشہور دا نانگ نامی ایک ساحلی شہر میں رواں ہفتے میں تیزی سے کیسز سامنے آنا شروع ہوگئے۔

واضح رہے کہ ساڑھے 9 کروڑ کی آبادی والے ملک میں وبا کے آغاز سے اب تک صرف 546 کیسز سامنے آئے ہیں۔