وزیر ریلوے شیخ رشید نے کہا ہے کہ16 اگست سے 10 ٹرینیں کھول رہے ہیں، ایم ایل ون ایکنیک سے منظور کرلیا گیا ہے ،منصوبے کا ٹینڈر 30 اگست سے پہلے ہوجائےگا۔

وزیر ریلوے نے پریس کانفرنس کرتے ہوئے کہا کہ ایم ایل ون میں 10 فیصد پاکستان 90 فیصد رقم چین دے گا۔

انہوں نے کہا کہ  16 اگست سے 10 ٹرینیں کھول رہے ہیں، بدر ایکسپریس کا روٹ براستہ فیصل آباد کردیا ہے ، یم ایل ون منصوبے میں کوئی ریلوے پھاٹک نہیں ہوگا ، ایم ایل ون سے دو لاکھ افراد کو روزگار ملے گا۔

انہوں نے کہا کہ 16 اگست سے 10 ٹرینیں کھول رہے ہیں، بدر ایکسپریس کا روٹ براستہ فیصل آباد کردیا ہے ، یم ایل ون منصوبے میں کوئی ریلوے پھاٹک نہیں ہوگا ، ایم ایل ون سے دو لاکھ افراد کو روزگار ملے گا۔

شیخ رشید کا کہنا تھا کہ تمام ریل گاڑیوں کے پرانے اسٹاپ ختم کرنے جا رہے ہیں ، آئندہ پیر یا منگل کووزیراعظم عمران خان سے ملاقات کروں گا ۔

انہوں نے کہا کہ ملکی سیاست میں آصف زرداری اور نواز شریف کے خاندانوں کی کوئی جگہ نہیں ، عید سے پہلے کہا تھا کہ عید کے بعد دونوں کو بلایا جائے گا۔

انہوں نے اظہار خیال کرتے ہوئے مزید کہا کہ میں نہیں سمجھتا کہ پی ٹی آئی کا کوئی وزیر کرپشن کر رہا ہے ،یہ ایک خوفناک جرم ہے جس کی معافی نہیں ، نیب وزیراعظم کو کیوں بلائے گا ، سپریم کورٹ انہیں صادق اور امین قرار دے چکی ، نیب کسی کو اس لئے نہیں بلاتا کہ اسے عہدے سے ہٹایا جائے ۔