حکومت گلگت بلتستان میں این ڈی ایم اے کو فعال کرے،بلاول بھٹو

ثمرا مظہر

29th Aug, 2020. 04:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت گلگت بلتستان میں این ڈی ایم اے کو فعال کرے،بلاول بھٹو

چیئرمین پیپلزپارٹی بلاول بھٹو زرداری نے گلگت بلتستان میں بارشوں کےبعد کی صورتحال پراظہارتشویش کرتے ہوئے کہا کہ وفاقی حکومت گلگت بلتستان میں این ڈی ایم اے کو فعال کرے۔

تفصیلات کے مطابق نے گلگت بلتستان کی صورتحال پر تشویش کا اظہار کرتےہوئے کہا کہ شاہراہ قراقرم پر بنی ایک سرنگ میں دراڑیں پڑ گئی ہیں، مرمت نہ کی گئی تو وہ گر سکتی ہے۔

انہوں نے کہا کہ گلگت بلتستان میں تیز بارش کے بعد کھڑی فصلیں اور باغات تباہ ہوگئے،بارشوں سے دیامیر اور دیگر اضلاع میں کھڑی فصلیں اور باغات بھی بہہ گئے ہیں۔

بلاول بھٹو کا کہناتھا کہ وفاقی حکومت اور گلگت بلتستان کی حکومت شہریوں کی مدد کے لئے تمام دستیاب وسائل بروئے کار لائے،ہم حکومت کو گلگت بلتستان کے شہریوں کے دکھوں کو نظرانداز کرنے کی اجازت نہیں دیں گے۔

دوسری جانب بلاول بھٹو نے کراچی کی صورتحال سے متعلق وزیراعلیٰ سندھ اور صوبائی وزراء سے ٹیلیفونک رابطہ کیا اور امدادی کاموں سے متعلق معلومات لیں۔

انہوں نے سندھ کے وزراء کو ہدایات بھی کیں اور کہا کہ صوبے کے ہر شہر اور گاؤں سے بارش کے پانی کا آخری قطرہ نکالے جانے تک وزراء میدان میں موجود رہیں۔