شاہی خاندان کا رکن بننا کتنا مشکل اور تھکا دینے والا عمل، میگھن مارکل نے سب بتا دیا

اریبہ نثار

13th Aug, 2020. 10:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شاہی خاندان کا رکن بننا کتنا مشکل اور تھکا دینے والا عمل، میگھن مارکل نے سب بتا دیا

میگھن مارکل نے کچھ اہم انکشاف کر دیے۔

میگھن مارکل نےبتایا کہ شاہی خاندان کا نیا رکن بننا اور اسکی روایات میں سمونا کتنا مشکل اور تھکا دینے والا عمل ہوتا ہے۔

اومڈ اسکوبی اور کیروئن ڈیورنڈ کی تصنیف فائنڈنگ فریڈم کے مطابق میگھن مارکل کی شہزادہ ہیری سے شادی سے قبل بڑی سخت قسم کے تربیتی سیشن ہوئے۔

میگھن مارکل نے بتایا کہ ان سیشن میں انکے فرضی اغوا کا ایک سیشن بھی ہوا جس میں انھوں نے شرکت کی۔

میگھن کو اس فرضی اغوا کے دوران دہشتگردوں نے باندھ کر ایک کار کے پچھلے حصے میں ڈال کر ایک دوسری جگہ منتقل کیا، جہاں ایس اے ایس کے افسروں نے نقلی گن (جو ہالی ووڈ فلموں میں استعمال کیے جاتے ہیں) سے فائرنگ کرکے انھیں دہشتگردوں سے چھڑایا۔

اس کے علاوہ انہوں نے بتایا کہ جب ہیری سے پہلے پہل رومانی ملاقاتیں شروع ہوئیں تو میگھن کو شاہی اسٹاف نے چند بنیادی تربیت دی تھی۔

جس میں انھیں بتایا گیا تھا کہ مختلف صورتحال میں، جس میں دھمکیاں ملیں یا پھر میگھن کو خدشہ ہو کہ کوئی انکا تعاقب کررہا ہے تو انھیں کیا کرنا ہے اور اس حوالے سے انکی ٹریننگ ہوئی تھی۔

واضح رہے کہ میگھن کو جو ٹریننگ دی گئی یہ بالکل ویسی ہی تھی جو کہ اس سے قبل 2011 میں شہزادہ ولیم کی شادی سے قبل کیٹ مڈلٹن کو دی گئی تھی۔