نیب نے سابق وزیراعظم نوازشریف اور سلمان شہباز کی وطن واپس لانے کا فیصلہ کرلیا ہے ۔

ذرائع ابلاغ کے مطابق نیب نے نواز شریف اور سلمان شہباز کو پاکستان لانے کا فیصلہ کرتے ہوئے سابق وزیراعظم کو توشہ خانہ ریفرنس میں اشتہاری قرار دلوانے کا بھی فیصلہ کیا گیا ہے۔

ذرائع کے مطابق نیب العزیزیہ ریفرنس میں سزا پرعمل درآمدکے لیے بھی عدالت سے رجوع کرے گی۔

نیب نے نواز شریف کی واپسی کے لیے دفتر خارجہ کے ذریعے برطانوی حکومت سے رابطے کا بھی فیصلہ کیا ہے۔

نیب کی جانب سے اسلام آباد ہائی کورٹ کو بھی نواز شریف کے مفرور ہونے سے آگاہ کرنے کا فیصلہ ہوا ہے۔ سابق وزیراعظم نواز شریف کی ضمانت ختم ہوچکی ہے، وہ مفرور ملزم و مجرم ہیں۔

 واضح  رہے کہ   نوازشریف کی طبیعت21 اکتوبر 2019 کو خراب ہوئی اور ان کے پلیٹیلیٹس میں اچانک غیر معمولی کمی واقع ہوئی، اسپتال منتقلی سے قبل سابق وزیراعظم کے خون کے نمونوں میں پلیٹیلیٹس کی تعداد 16 ہزاررہ گئی تھی جو اسپتال منتقلی تک 12 ہزار اور پھر خطرناک حد تک گرکر 2 ہزار تک رہ گئی تھی۔

سابق وزیراعظم کو اکیوٹ آئی ٹی پی کی تشخیص ہوئی، دوران علاج انہیں دل کا معمولی دورہ بھی پڑا جبکہ نواز شریف کو ہائی بلڈ پریشر، شوگراور گردوں کا مرض بھی لاحق ہے۔

16نومبر کو لاہور ہائیکورٹ نے نواز شریف کوعلاج کے لیے بیرون ملک جانےکی اجازت دے دی جس کے بعد  19 نومبرکو  نواز شریف علاج کے لیے لندن روانہ ہوگئے تھے۔