وزیراعلیٰ سندھ سید مراد علی شاہ نے کہا ہے کہ میں نے شہر کوآفت زدہ  ڈکلیئر کردیا ہے۔

تفصیلات کے مطابق وزیراعلیٰ سندھ سید مراد علی شاہ نے میڈیا سے بات چیت کرتے ہوئے کہا کہ ہم بارش  نے  برساتی پانی کی وجہ سے جلوس  کے روٹ میں معمولی تبدیلی کی، اس  وقت صرف تھوڑا سا  پانی یوسف  گوٹھ ، کھارادر اور ڈیفنس میں رہ گیا ہے۔

وزیراعلیٰ سندھ نے کہا کہ ہم  سی بی سی کی بھی  مدد کررہے ہیں  کہ پانی کی نکاسی ہو جائے، اس شہر کے ساتھ  ایسا ظلم ہوا ہے کہ  نالے  بند  کر دیئے گئے۔

 مراد علی شاہ نے یہ بھی کہا کہ رہائشی علاقوں کو کمرشل کردیا گیا جبکہ پارکس رہائشی علاقوں میں  تبدیل  کیے گئے اور ہم کوشش کررہے ہیں کہ پرانی پانی کی نکاسی کی لائینیں بحال کریں۔

مزید پڑھیں

سندھ حکومت کی پہلی سندھ ایمرجنسی سروس کا آغاز

سندھ حکومت کی جانب سے  پہلی ریسکیو 1122 سندھ ایمرجنسی سروس کا...

عوام کی تکلیف کی وجہ سے میں خود دورے پر آیا ہوں

 سید مراد علی شاہ کا کہنا ہے کہ عوام کی تکلیف کا...

وزیراعلیٰ سندھ  کا کہنا تھا کہ میں نے کے الیکٹرک  کے دفتر کا دورہ بھی کیا، کے الیکٹرک  کے ساتھ  مکمل تعاون  کررہے ہیں تاکہ اُن کی  انسٹالیشنز سے پانی نکال سکیں۔

مراد علی شاہ کا یہ بھی کہنا تھا کہ ہم نے کے الیکٹرک کو کہا ہے کہ ایس او پیز بنائیں ، جس کے تحت انسٹالیشنز سے پانی کی نکاسی  یقینی ہو جبکہ ڈی سی جانی نقصانات، پراپرٹی نقصانات اور مالی نقصانات  کا سروے  کررہے ہیں۔

وزیراعلیٰ سندھ سید مراد علی شاہ کا مزید کہنا تھا کہ ہم کوشش کریں گے کہ وفاق  سے مدد لے کرعوام کو مالی ریلیف دیں۔

واضح رہے کہ اس سے قبل وزیراعلی سندھ سید مراد علی شاہ نے کراچی کے علاقے کھارادر کا دورہ کیا تھا۔

دورے کے دوران وزیراعلیٰ سندھ  کا کہنا تھا کہ کھارادر میں بارش کے بعد گٹر چوک ہوگئے ہیں، واٹر بورڈ اور کے ایم سی کی 20 گاڑیاں پانی صاف کرنے کے لیے لگائی ہیں۔

وزیراعلیٰ سندھ سید مراد علی شاہ کا مزید کہنا تھا کہ ہم نے صفائی کے لیے الگ ٹیم لگائی ہے جو علاقے کو واش بھی کرے گی،  عوام کی تکلیف کی وجہ سے میں خود دورے پر آیا ہوں، کوشش ہے کہ شام تک سارا علاقہ کلیئر ہوجائے گا۔