بھارتی گلوکارکا پاکستانی ننھی گلوکارہ ہادیہ ہاشمی سے رابطہ

ثمرا مظہر

18th Aug, 2020. 11:52 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی گلوکارکا پاکستانی ننھی گلوکارہ ہادیہ ہاشمی سے رابطہ

معروف بھارتی گلوکار سونو نگم نے پاکستانی ننھی گلوکارہ ہادیہ ہاشمی سے ویڈیو کالنگ کے ذریعے رابطہ کرلیا۔

تفصیلات کے مطابق چند دنوں پہلے بھارتی گلوکار نے سوشل میڈیا پر ایک ویڈیو شیئر کی تھی جس میں وہ پاکستانی میوزک شو نیس کیفے بیسمنٹ سیزن 5 کا کلام “بول ہو” سن کر آبدیدہ ہوگئے تھے۔

بھارتی گلوکار نے شیئر کی جانے والی ویڈیو میں پاکستان کی ننھی گلوکارہ کی تعریف کی تھی اور ان کے کلام کو ایک مثالی شاہکار قرار دیا تھا۔

اب سونو نگم نے ننھی گلوکارہ سے سوشل میڈیا کے ذریعے رابطہ بھی کرلیا ہے جس کی ہادیہ ہاشمی نے اپنے فیس بک اکاؤنٹ پر تفصیل شیئر کی ہے۔

ہادیہ ہاشمی نے اپنے فیس بک اکاؤنٹ پر پوسٹ شیئر کی جس میں انہوں نے بھارتی گلوکار سونو نگم سے ویڈیو کال پر بات کرتے ہوئے اسکرین شاٹ شیئر کیے۔

Thank You Sir Sonu Nigam
Gepostet von Syeda Hadia Hashmi am Sonntag, 16. August 2020

ہادیہ ہاشمی نے اپنی پوسٹ میں لکھا کہ ’گلوکار سونو نگم کے ساتھ ویڈیو کال پر بات چیت ہوئی ہے جو کہ میرا ایک خواب تھا اور اب یہ حقیقت میں تبدیل ہوگیا ہے‘۔

ہادیہ نے کہا کہ میرے اہلخانہ بے حد خوش ہیں، ننھی گلوکارہ نے حوصلہ افزائی کرنے پر بھارتی گلوکار سونو نگم کا شکریہ بھی ادا کیا۔