جماعت اسلامی کے رکن سندھ اسمبلی سیدعبدالرشید کے گھر کے باہر نامعلوم ملزمان کی جانب سے فائرنگ کی گئی ہے ۔

پولیس کے مطابق لیاری میں نامعلوم ملزمان نے ہوائی فائرنگ کی یا پھرگھرپرکچھ نہیں کہہ سکتے تاہم گھر کے باہرسے گولیوں کے دو خول برآمد ہوئے ہیں جبکہ پولیس نے جائے وقوعہ پرپہنچ کر تفتیش شروع کردی ہے۔

پولیس کے مطابق فائرنگ میں کوئی جانی نقصان نہیں ہواہے ۔

دوسری جانب جماعت اسلامی کے رکن سندھ اسمبلی عبدالرشید کا اس واقعہ پر کہنا ہے کہ واقعہ کرپشن کے خلاف آواز اٹھانے پر خوفزدہ کرنے کی کوشش ہے، لیاری سے ایم پی اے ہوں، مسائل بہت زیادہ ہیں اسی پر آواز اٹھاتا ہوں۔

Advertisement

رات نامعلوم دہشت گردوں نے میرے گھر پر فائرنگ کی اللہ نے سب کو محفوظ رکھا اس طرح کی بزدلانہ کاروائی عوام کے حقوق کی جدوجہد سے نہیں روک سکتی
سید عبدالرشید ایم پی اے pic.twitter.com/nLUgztb0PY

— Syed Abdul Rasheed (@ibn_e_sayed) August 27, 2020

رکن سندھ اسمبلی عبد الرشید کا مزید کہنا تھا کہ گھر کے باہر دو فائر ہوئے تھے، پولیس کو گولیوں کے خول مل گئے، جبکہ عینی شاہدین نے بتایا موٹرسائیکل سوار 2 ملزمان فائرنگ کرکے فرار ہوگئے۔

دوسری جانب امیرجماعت اسلامی کراچی حافظ نعیم الرحمن کا کہنا ہے کہ رکن سندھ اسمبلی عبدالرشید کے گھر پر حملے میں ملوث افراد کو فوری گرفتار کیا جائے۔

Advertisement

جماعت اسلامی کے ایم پی اے سید عبدالرشید کے گھر پر حملہ اور فائرنگ بزدلانہ کارروائی ہے۔ شدید مذمت کرتا ہوں۔
حکومت سید عبدالرشید کے تحفظ کو یقینی بنائیں ۔
ایک منتخب ممبر صوبائی اسمبلی و سیاسی رہنما پر حملہ حکومتی ناکامی ہے۔ ملوث افراد کو فوری گرفتار کیا جائے pic.twitter.com/8yNASqWbzL

— Naeem ur Rehman (@NaeemRehmanEngr) August 27, 2020

سماجی رابطے کی ویب سائٹ ٹوئٹر پرامیرجماعت اسلامی کراچی حافظ نعیم الرحمن نے رکن سندھ اسمبلی سید عبدالرشید کے گھر پر فائرنگ کے واقعہ کو بزدلانہ کارروائی قرار دیتے ہوئے کہا کہ جماعت اسلامی کے ایم پی اے سید عبدالرشید کے گھر پر حملہ کی شدید مذمت کرتا ہوں۔

انہوں نے کہا کہ ایک منتخب ممبر صوبائی اسمبلی و سیاسی رہنما پر حملہ حکومتی ناکامی ہے، ملوث افراد کو فوری گرفتار کیا جائے۔