ایم کیو ایم پاکستان کے سابق ڈپٹی کنوینئراور سابق میئر حیدرآباد آفتاب شیخ انتقال کرگئے۔
تفصیلات کے مطابق مرحوم کی نماز جنازہ بعد نماز عصر 2 نمبر لطیف آباد میں ادا کی جائے گی،آفتاب شیخ گزشتہ دونوں ٹریفک حادثے میں شدید زخمی ہو گٸے تھے۔
رہنما ایم کیو ایم ڈاکٹر خالد مقبول صدیقی کا کہنا ہے کہ آفتاب شیخ کی تنظیمی اور سیاسی خدمات ہمیشہ یاد رکھی جائیں گی،آفتاب شیخ منجھے ہوئے سیاستدان تھے، ان کی کمی سیاسی میدان میں ہمیشہ محسوس کی جائے گی۔
انہوں نے مزید کہا کہ ایم کیو ایم کا ایک ایک کارکن اہل خانہ کے غم میں برابر کا شریک ہے،آفتاب شیخ نے بحیثیت میٸر حیدرآباد شہر کی تعمیر و ترقی کے لٸے گراں قدر خدمات انجام دیں۔
خالد مقبول صدیقی کا کہنا تھا کہ اللہ تعالی مرحوم کی مغفرت اور اہل خانہ سمیت تمام سوگوار لواحقین کو صبر جمیل عطاکریں، ایم کیو ایم کا ایک ایک کارکن اہل خانہ کے غم میں برابر کا شریک ہے۔ اور دعا گو ہے کہ اللہ تعالٰی آفتاب شیخ کو اپنے جواررحمت میں جگہ دے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
