لاہور ہائیکورٹ، صدر نیشنل بینک کو کام سے روکنے کی استدعا مسترد

ثمرا مظہر

17th Aug, 2020. 02:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاہور ہائیکورٹ، صدر نیشنل بینک کو کام سے روکنے کی استدعا مسترد

لاہور ہائیکورٹ کی جانب سے صدر نیشنل بینک کو کام سے روکنے کی استدعا مسترد کردی گئی۔

تفصیلات کے مطابق صدر نیشنل بینک کے تقرر کےخلاف درخواست پر وفاقی حکومت سمیت دیگر فریقین سے جواب مانگ لیا گیا۔

لاہور ہائیکورٹ کے جسٹس جواد حسن نے نعیم اللہ آفریدی کی درخواست پر سماعت کی، درخواست گزار کا اعتراض تھا کہ نیشنل بینک کے صدر کے تقرر کیلئے تعلیمی اہلیت بینکنگ میں ماسٹر ڈگری مقرر تھی لیکن موجودہ صدر نیشنل بینک کو نوازنے کے لئے رولز میں ترمیم کرکے تعلیمی اہلیت گریجویشن کردی گئی ۔

عدالت نے اعتراض اٹھایا کہ نوٹیفکیشن اسلام آباد سے ہوا، صدر نیشنل بینک کراچی میں ہیں، یہ عدالت کیسے سماعت کرسکتی ہے؟

عدالت نے وفاقی حکومت سمیت دیگر فریقین کو نوٹس جاری کرتے ہوئےدرخواست گزار کے وکیل کو درخواست کے قابلِ سماعت ہونے کے بارے میں دلائل دینے کی ہدایت کر دی۔