مقبوضہ کشمیر، ایک دن میں 7 کشمیری شہید

ثمرا مظہر

29th Aug, 2020. 12:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مقبوضہ کشمیر، ایک دن میں 7 کشمیری شہید

مقبوضہ کشمیر میں گزشتہ 24 گھنٹوں کے دوران بھارتی فوج کی بزدلانہ کارروائی میں 7 کشمیری شہید ہوگئے۔

کشمیرمیڈیا سروس کے مطابق قابض فوج کی جانب سے ضلع پلوامہ میں 3 کشمیریوں کو شہید کر دیا گیا جبکہ جعلی مقابلےکے دوران کشمیری جوانوں کو گولیوں کا نشانہ بنایا گیا۔ گزشتہ روز بھارتی فوج نےضلع شوپیاں میں 4 کشمیریوں کو شہید کیا۔

دوسری جانب قابض بھارتی فوج نے سرینگر میں محرم کے جلوس پر دھاوا بول ڈالا اور سیکڑوں کشمیریوں کو شدید تشدد کا نشانہ بنایا اور آنسو گیس کی شیلنگ اور لاٹھی چارج کیا۔

کشمیر میڈیا سروس کے مطابق بارہ مولا ، بڈگام اور دوسرے علاقوں میں کشمیری محرم کے جلوسوں میں شرکت کے لیے گھروں سے باہر نکلے تو بھارتی فوج نے ان پر دھاوا بول دیا۔

واضح رہے کہ بھارتی حکومت نے مقبوضہ کشمیر میں محرم الحرام کے جلوسوں پر پابندی عائد کر رکھی ہے۔