پیزا پراٹھا عام طور پر صرف بچوں ہی نہیں بلکہ بڑوں کو بحی بے حد پسند  ہوتاہے۔ مگر بعض خواتین اس کو بنانے میں ذرا سا کتراتی ہیں جس کی وجہ یہ ہے کہ پہلے تو اس کا آٹا گوندھنا پڑتا ہے پھر اس کو بیلنا اور اگر یہ بیچ میں سے ٹوٹ جائے تو دوبارہ محنت کرنی پڑتی ہے۔

 خواتین بچوں کو ناشتہ کرواتے وقت غذائیت کا بھی بھرپور خیال رکھتی ہیں جو بچوں  کی دن بھر کی غذائیت کو پورا کرسکے۔

 لیکن اگر آپ چاہیں تو صرف 5 منٹ میں بیسن سے بنا پیزا پراٹھا جو غذائیت سے بھرپور ہے اسے بناکر کھلائیں جس کو بچے بھی مزے سے کھائیں گے اور آپ کی آٹا گوندھنے اور پیڑا بنانے کی ٹینشن سے بھی چھٹکارہ ملے گا۔

پیزا پراٹھا کی ترکیب:

پیزا پراٹھا بنانے کے لئے متعدد چیزیں استعمال کی جاسکتیں اور مزے دار کھانا تیار کیا جاسکتا۔

اجزاء:

ایک کپ بیسن، دو انڈے، ایک چمچ آٹا، دو چمچ بیکنگ پاؤڈر، کٹا ہوا ہرادھنیا، کٹی ہوئی ایک

ترکیب:

مرچ، ہلدی پاؤڈر، کالی مرچ پاؤڈر، دھنیا پاؤڈر، نمک۔

ان تمام چیزوں کو ایک پیالے میں ڈالیں اور تھوڑے سے پانی کی مدد سے ان کو مکس کرلیں۔

اب آپ توے کو گرم کریں اس پر تھوڑا سا آئل چاروں طرف پھیلا لیں اور ایک چمچ کی مدد سے بنایا ہوا بیسن کا پیسٹ ڈالیں اور چمچ کی مدد سے ہی پھیلالیں۔

روٹی کو دونوں طرف سے سیک لیں، غذائیت سے بھرپور 5 منٹ میں پیزا پراٹھا تیار ہے۔