نیشنل ڈیزاسٹر مینجمنٹ اتھارٹی کے مطابق حالیہ بارشوں اور سیلاب سے ملک بھر میں219 افراد جاں بحق جبکہ 158 زخمی ہوئے ہیں۔
تفصیلات کے مطابق این ڈی ایم اے نے حالیہ مون سون سیزن کے دوران بارشوں و سیلابی تباہ کاریوں کے نتیجے میں ہونے والے جانی و مالی نقصانات کی تفصیلات جاری کردی ہیں جس کے مطابق بارشوں و سیلابی تباہ کاریوں کے نتیجے میں 219 افراد جاں بحق جبکہ 158 زخمی ہوئے۔
این ڈی ایم اے کی جانب سے جاری کردہ اعداد و شمار کے مطابق ملک بھر میں 15 جون سے اب تک بارش و سیلابی تباہ کاریوں کے نتیجے میں سب سے زیادہ خیبرپختونخوا میں 91 افراد جاں بحق ہوئےجبکہ سندھ میں 84، بلوچستان میں 19، پنجاب میں 16، آزاد کشمیر میں10 جبکہ گلگت بلتستان میں 11 افراد جاں بحق ہوئے۔
اعداد و شمار کے مطابق بارش و سیلابی تباہ کاریوں کے نتیجے میں ملک بھر میں 158 افراد زخمی بھی ہوئے۔ جن میں 37 کم عمر بچوں سمیت 25 خواتین و 96 مرد شامل ہیں۔
رپورٹ کے مطابق بارشوں سے ملک بھر میں 10 سڑکیں، 10 پل، 2 ہوٹل، 3 دکانیں، 5 مساجد اور 6 پاور ہاؤسز کو بھی نقصان پہنچا جب کہ اس دوران 1340 مکانات کو مکمل جبکہ 1040 مکانات کو جزوی نقصان پہنچا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
