حکومت پاکستان نے عالمی وبا کے دوران سرکاری دفاتر کیلئے نئے ایس او پیز جاری کر دیئے ہیں۔
سرکاری سرکولر کے مطابق تمام دفاتر میں کام کرنے والےملازمین کیلئے ماسک پہننا لازمی ہوگی جبکہ ماسک پہنے بغیر لفٹوں کے استعمال کی اجازت نہیں دی جائے گی ۔
سرکولر کے مطابق سرکاری ملازمین کورونا وائرس کی علامات ظاہر ہونے کی صورت میں فوری ہیڈ آف ڈیپارٹمنٹ کو آئیسولیشن کے حوالے سے آگاہ کریں۔
حکومت کی جانب سے ہدایت کی گئی ہے کہ اگر ہارڈ فائل کو آگے بھیجنا ہے تو اسٹاف فائل اور دستاویزات کو سینٹائز کرے۔ دفتری امور کے حوالے سے تمام اہم ملاقاتوں کا انعقاد آن لائن کیا جائے۔
حفاظتی تدابیر کے پیش نظر دفاتر کو صبح شام سینٹائز کیا جائے۔ دفاتر میں ہاتھ ملانے اور سماجی فاصلوں کے حوالے سے خصوصی خیال رکھا جائے۔ دفاتر میں دو بار سینٹائزیشن اور لفٹ میں بھی ماسک کا استعمال لازمی قرار دیا گیا ہے۔
Advertisement
خیال رہے کہ پاکستان کے ادارہ برائے پارلیمانی خدمات(پیس) میں کرونا کے کیسز رپورٹ ہوئے ہیں۔ حکام کا کہنا ہے کہ سات ملازمین میں کرونا وائرس کی تصدیق ہوئی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
