جعلی اکاؤنٹ اسکینڈل ، زرداری نےحاضری سےاستثنیٰ کی درخواست دیدی

ثمرا مظہر

23rd Sep, 2020. 12:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جعلی اکاؤنٹ اسکینڈل ، زرداری نےحاضری سےاستثنیٰ کی درخواست دیدی

اسلام آباد ہائیکورٹ میں جعلی اکاؤنٹ اسکینڈل اور جعلی ٹرانزیکشن کیس میں سابق صدر آصف زرداری نےآج حاضری سے استثنی کی درخواست دائر کردی .

تفصیلات کے مطابق آصف زرداری نے درخواست میں کہا ہے کہ کیس کی سماعت مقرر ہونے سے متعلق میرے وکیل فاروق ایچ نائیک کو پہلے معلوم نہیں تھا اور انہیں گزشتہ شام اس متعلق بتایا گیا ہے۔

درخواست میں کہا گیا ہے کہ آصف زرداری کو بھی بروقت پیشی کیلئے اطلاع نہیں دی جاسکی، ان کی عمر 65 سال ہے اور وہ طبی بنیادوں پر ضمانت پر ہیں، کورونا کی وجہ بھی عدالت حاضر ہونا ممکن نہیں ہے۔

دائر درخواست کے متن میں کہا گیا ہے کہ آصف زرداری کے آنے پر ورکرز اور پارلیمنٹیرینز کے آنے سے مہلک وبا پھیلنے کا خدشہ ہے، لہذا عدالت سے استدعا ہے کہ آصف زرداری کو آج کی حاضری سے استثنی دیا جائے۔
واضح رہے کہ درخواست آصف زرداری کے وکیل فاروق ایچ نائیک اور ایڈوکیٹ جاوید اقبال نے دائرکی ہے۔