وزیراعظم عمران خان کی زیرصدارت وفاقی کابینہ کا اجلاس آج ہوگا۔ اجلاس کے دوران اقتصادی رابطہ کمیٹی کے 23 ستمبر کے فیصلوں کی توثیق کا امکان ہے۔

تفصیلات کے مطابق وزیراعظم  عمران خان کی زیرصدارت طلب کیے گئے اجلاس میں وائلڈلائف مینجمنٹ بورڈ کےنان آفیشل ممبرزکی تعیناتی، افغانستان کے متعلق ویزاپالیسی کی تبدیلی پربریفنگ اور میڈیکل اینڈڈینٹل کونسل کےآئین کی منظوری بھی اجلاس کے ایجنڈے میں شامل ہے۔

اجلاس میں افغانستان سے متعلق ویزا پالیسی کی تبدیلی پر بریفنگ دی جائے گی۔ بائیولوجیکل ادوایات کیلئے ماہر کی تعیناتی اور میڈیکل اینڈ ڈینٹل کونسل کے آئین کی منظوری کابینہ کے ایجنڈے میں شامل ہے۔

پاکستان ریلویز کی بحالی اور تنظیم نو کا پلان کابینہ میں پیش کیا جائے گا۔ ارسا میں ٹیلی میٹری سسٹم کی توڑ پھوڑ پر انکوائری کا معاملہ اور اسلام آباد کلب کے ایڈمنسٹریٹر کی تقرری بھی ایجنڈے میں شامل ہے۔

وفاقی کابینہ کے اجلاس میں قرضوں اور ڈیبٹ سروسنگ اور پاورسیکٹر میں ریفارمز پر بھی بریفنگ دی جائے گی۔

اس کے علاوہ برطانوی ائیرلائن اٹلانٹک ائیر ویزکی سروس اور ٹی سی پی کے ذریعے گندم کی امپورٹ کےلیے ایک ٹائم کی اجازت کی منظوری بھی متوقع ہے۔