ہوٹل پر تنقید کرنا سیاح کو مہنگا پڑھ گیا
تھائی لینڈ کے ہوٹل میں آئے امریکی شہری کو مذکورہ ہوٹل پر تنقید مہنگی پڑھ گئی ۔
غیر ملکی خبررساں ادارے کے مطابق امریکی سیاح نے ہوٹل انتظامیہ پر سوشل میڈیا کے مختلف پلیٹ فارمز پر تنقید کی جس کے بعد انتظامیہ نے سیاح کے خلاف مقدمہ دائر کردیا۔
ہوٹل انتظامیہ نے مقدمے میں مؤقف اختیار کیا کہ امریکی سیاح کی تنقید حقیقت کے منافی اور ہوٹل کی ساکھ کو نقصان پہنچانے کے مترادف ہے۔
امریکی سیاح اور ہوٹل انتظامیہ کے درمیان تنازع تب شروع ہوا جب سیاح نے انتظامیہ سے اصرار کیا کہ وہ اپنی شراب کی بوتل کمرے میں لے جانا چاہتا ہے لیکن اسے اجازت نہ دی گئی۔
بعدازاں سیاح ہوٹل کو اپنی تنقید کی زد میں لے آیا۔ انتظامیہ نے مؤقف اختیار کیا ہے کہ سیاح نے انسداد ہتک عزت کے قانون کی خلاف ورزی کی ہے۔
سیاح کو حراست میں لے کر کئی دنوں تک جیل میں رکھا گیا۔ بعدازاں سیاح کو ضمانت پر رہائی مل گئی۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News