کورونا ویکسین کے تیسرے مرحلے کا آزمائشی آغاز ہوگیا ہے، اسد عمر

ثمرا مظہر

22nd Sep, 2020. 12:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کورونا ویکسین کے تیسرے مرحلے کا آزمائشی آغاز ہوگیا ہے، اسد عمر

وفاقی وزیر برائے منصوبہ بندی و ترقی اسدعمر نے کہا ہے کہ پاکستان میں کوویڈ 19 ویکسین کے تیسرے مرحلے کا آزمائشی آغاز ہوگیا ہے اور ویکسین ایک چینی کمپنی نے تیار کی۔

اسد عمر نے سماجی رابطے کی ویب سائٹ ٹوئٹر پراپنے پیغام میں کہا کہ آزمائش میں 7 ممالک کے 40 ہزارافرادشریک ہوں گے، آزمائشی مرحلے میں 8 سے 10 ہزارپاکستانی ہوں گے جبکہ ٹیسٹ کےابتدائی نتائج میں 4 سے 6 ماہ متوقع ہیں۔

خیال رہے کہ وزیراعظم عمران خان کے معاون خصوصی برائے صحت ڈاکٹرفیصل سلطان اور این سی او سی حکام نے میڈیا بریفنگ کی ہے۔

اس موقع پر ڈاکٹر فیصل سلطان نے کہا کہ پاکستان میں کورونا سے بچاؤ کی ویکسین کا ٹرائل شروع ہوگیا ہے جبکہ ویکسین کے ٹرائل پر اپنی ٹیم کو مبارکباد دیتا ہوں۔

معاون خصوصی نے کہا کہ کورونا ویکسین کا کلینکل ٹرائل چین کے تعاون سے شروع کیا گیا، ویکسین کا کلینکل ٹرائل صحت کے نظام میں بہتری کے لیے بھی اہم ہے.

ایگزیکٹو ڈائریکٹراین آئی ایچ میجر جنرل عامر اکرام نے کہا کہ ویکسین کا دوسرے مرحلے میں 508 افراد پرٹرائل کیا گیا تھا تاہم ویکسین کا کلینکل ٹرائل چین کے تعاون سے شروع کیا گیا، تیسرےمرحلے میں 8 سے 10 ہزار افراد پرویکسین کا ٹرائل ہوگا۔