ملکی اقتصادی سفارت کاری کے فروغ کے حوالے سے وزیرِاعظم عمران خان نے اہم فیصلے کرلیا ہے۔

تفصیلات کے مطابق وزیرِ اعظم عمران خان کی زیر صدارت اقتصادی سفارت کاری کے فروغ کے حوالے سے اجلاس ہوا جس میں ملکی  اقتصادی سفارت کاری کے فروغ کے حوالے سے وزیرِ اعظم نے اہم فیصلے کئے۔

اجلاس میں اقتصادی سفارت کاری کے فروغ کے حوالے سے “اکنامک آؤٹ ریچ اپیکس کمیٹی” کے قیام کا فیصلہ کرتے ہوئے اقتصادی سفارت کاری کے فروغ کے لئے معاون خصوصی ڈاکٹر معید یوسف کو فوکل پرسن بنادیا گیا۔

اس موقع پر متعلقہ وفاقی وزارتوں، صوبائی  محکموں اور دیگر اداروں مابین کوارڈینیشن اور اہداف کے حصول کے لئے ” اکنامک آؤٹ ریچ کوارڈینیشن گروپ”کے قیام کا فیصلہ کیا گیا۔

اجلاس میں ملکی اقتصادی سفارت کاری کے فروغ کے حوالے سے ملکی پوٹیشنل، درپیش چیلنجز  اور ان پر قابو پانے  کے حوالے سے روڈ میپ وزیرِ اعظم کو پیش کی گئی۔

وزیراعظم عمران خان نے اجلاس میں ہدایت دی کہ بیرون ممالک میں تعینات  پاکستانی سفارت خانے  اقتصادی سفارتکاری کے فروغ پر بھرپور توجہ دیں۔

عمران خان نے کہا کہ اقتصادی سفارت کاری کا فروغ وقت کی اہم ضرورت ہے جبکہ اقتصادی سفارت کاری کے فروغ سے بیرونی ممالک سے دو طرفہ تعلقات مزید مستحکم ہوں گے۔

وزیراعظم عمران خان نے مزید کہا کہ مختلف شعبوں میں دلچسپی کا اظہار کرنے والے بیرونی سرمایہ کاروں کو ہر ممکنہ سہولت کی فراہمی کو یقینی بنایا جائے جبکہ معاشی میدان میں موجود صلاحیت سے بھی بھرپور فائدہ اٹھایا جا سکے گا

اجلاس میں محمد حماد اظہر، شبلی فراز، سید فخر امام، فواد ، ڈاکٹر عبدالحفیظ شیخ،  عبدالرزاق داؤد، ڈاکٹر معید یوسف، ڈاکٹر فیصل سلطان ، ذلفی بخاری، چیئرمین سرمایہ کاری بورڈ، سیکرٹری خارجہ و دیگر سینئر افسران بھی شریک ہوئے۔