مرکزی ڈپٹی سیکرٹری اطلاعات پیپلز پارٹی پلوشہ خان نے کہا ہے کہ 1970 کے پلٹستان سے آج تک پاکستان میں جب بھی نیازی اور ٹائیگر ملے ہیں ملک کا بیڑا غرق ہوا ہے۔

تفصیلات کے مطابق مرکزی ڈپٹی سیکرٹری اطلاعات پیپلز پارٹی پلوشہ خان نے میڈیا سے گفتگو کرتے ہوئے کہا کہ لوگوں کو عزت کی روٹی ملتی تھی لیکن آج انہیں موجودہ حکومت نے تباہ کردیا گیا ہے۔

اپنے بیان میں پلوشہ خان نے کہا کہ یہ تانے بانے فارن فنڈنگ کیس سے ملتے ہیں یہ یہودیوں اور بیرون ملک والوں کی سازش کو پایہ تکمیل تک پہنچا کے چھوڑے گا۔

مرکزی ڈپٹی سیکرٹری اطلاعات پیپلز پارٹی نے یہ بھی کہا کہ جس حکومت کو شیخ رشید جسیے شخص کی وکالت پڑ جائے وہ ختم ہو جاتی ہے جبکہ عمراں خان اے پی سی کے بعد چھپا بیٹھا ہے اب ان کی حکومت کے دن گنے جا چکے ہیں۔

پلوشہ خان کا کہنا تھا کہ جب تحریک چلی ہمیں ڈھولک یا ڈی جے کی ضرورت نہیں پڑے گی ہم ان کے طبلے بجا دیں گے جبکہ ان کو بھاگنے بھی نہیں دیں گے ان کو ائیر پورٹس پر پکڑ لیں گے اور عوام کے سامنے پھینکیں گے۔

مرکزی ڈپٹی سیکرٹری اطلاعات پیپلز پارٹی پلوشہ خان کا مزید کہنا تھا کہ یہ مودی کا یار ہے اور ابھی نندن کا میزبان ہے اب اس کو عوامی تحریک کا سامنا کرنا پڑے گا۔