توہین عدالت، مراد سعید کیخلاف درخواست کے قابل سماعت ہونے پر فیصلہ محفوظ

ثمرا مظہر

21st Sep, 2020. 01:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

توہین عدالت، مراد سعید کیخلاف درخواست کے قابل سماعت ہونے پر فیصلہ محفوظ

اسلام آباد ہائیکورٹ کی جانب سے وزیر مواصلات مراد سعید کے خلاف توہین عدالت کی درخواست کے قابل سماعت ہونے پر فیصلہ محفوظ کر لیا گیا ہے۔

تفصیلات کے مطابق اسلام آباد ہائی کورٹ کے جسٹس میاں گل حسن اورنگزیب نے درخواست پر سماعت کی ہے۔ درخواست میں سیکریٹری مواصلات، چیئرمین این ایچ اے اور آئی جی موٹر ویز کو بھی فریق بنایا گیا ہے۔

اس موقع پر وکیل درخواست گزار کا کہناتھا کہ عدالت نے نیشنل ہائی ویز سیفٹی آرڈیننس2000 پرمکمل عملدرآمد کا حکم دیا تھا لیکن اس پر عمل نہیں ہوا۔

جسٹس میاں گل حسن اورنگزیب نے ریمارکس دیئے کہ سیفٹی آرڈیننس2000 پرمکمل عملدرآمد کا حکم میں نے دیا تھا اورمناسب ہے کہ توہین عدالت کی درخواست کوئی اور بینچ سنے۔

وکیل نے مؤقف اپنایا کہ آپ کا فیصلہ ہے، توہین عدالت کی درخواست بھی آپ نے ہی سننی ہے۔ فاضل جج نے استفسار کیا کہ کیا عدالت کا فیصلہ برقرار ہے؟ کہیں چیلنج یا معطل تو نہیں ہوا؟

عارف چوہدری ایڈووکیٹ نے عدالت کا آگاہ کیا کہ عدالتی فیصلہ موجود ہے جس پر عمل درآمد نہیں کیا جا رہا۔

خیال رہے کہ اسلام آباد ہائیکورٹ نے موٹروے اور نیشنل ہائی وے پر نیشنل ہائی وے سیفٹی آرڈیننس 2000 پرمکمل عمل درآمد کا حکم دیا تھا۔